Аз ҷумла, ҷараёни омодагӣ ба даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон, омодагиҳо ба истиқболи ҷашни Ваҳдати миллӣ, вусъати корҳои сохтмонӣ дар шаҳр, таҳкими корҳои идеологӣ ва масъалаҳои вобаста ба бартарафсозии мушкилоти ҷойдошта дар маҳалҳо аз мавзуъҳои асосии ҷаласа буданд.

Раиси шаҳр Абдулмаҷид Муминзод дар суханронии худ вобаста ба ҳар як масъала изҳори назар намуда, аз масъулин тақозо кард, ки дар муҳлатҳои муқарраргардида ҷиҳати иҷрои вазифаҳои дар назди онҳо гузошташуда чораҳои зарурӣ андешанд.

Мавсуф таъкид намуд, ки корҳои сохтмонӣ бояд бо сифати баланд ва мутобиқ ба талаботи замони муосир роҳандозӣ шаванд, масъалаи ҷалби ҷавонон ба хизмати ҳарбӣ дар сатҳи хуб ба роҳ монда шавад ва дар партави сиёсати давлату Ҳукумати Ҷумҳурии Тоҷикистон корҳои тарғиботиву ташвиқотӣ дар самти таҳкими маърифати ватандорӣ ва ваҳдату ҳамбастагӣ тақвият дода шаванд.